Enikkay Oruthama Sambathu

എനിക്കായൊരുത്തമ സമ്പത്ത്‌
സ്വര്‍ഗ്ഗരാജ്യത്തില്‍ ഒരുക്കുന്നതാല്‍
ഇനി ലോകത്തെ സ്നേഹിച്ചീടുവാന്‍
ഒരു കാലത്തും പോകയില്ല ഞാന്‍

എന്‍റെ ആയുസ്സിന്‍ ദിനമൊക്കെയും
നിന്നെ മാത്രം ഞാനിനി സേവിക്കും
എന്‍റെ പ്രാണനായകനേശുവേ
നിന്‍റെ സ്നേഹം നീ എനിക്കേകിടണേ

ഏഴയാകുന്ന എന്നെ സ്നേഹിച്ച
നിന്‍റെ സ്നേഹം എത്രയോ ആശ്ചര്യം
എന്‍റെ പാപശാപങ്ങള്‍ നീക്കി നിന്‍
തിരുജീവനാല്‍ എന്നെ നിറച്ചല്ലോ

എന്‍റെ ദേഹവും തിരു ആലയമായ്‌
നിന്‍റെ ആത്മാവെ എനിക്കേകിയതാല്‍
തിരുനാമത്തിന്‍ മഹത്വത്തിന്നായ്
ഇനി ജീവിപ്പാന്‍ കൃപ നല്‍കുക

Added by