Kodum Kaatadichu Ala Uyarum

കൊടും കാറ്റടിച്ചു അല ഉയരും
വന്‍ സാഗരത്തിന്‍ അലകളിന്‍മേല്‍
വരും ജീവിതത്തിന്‍ പടകിലവന്‍
തരും ശാന്തി തന്ന വചനങ്ങളാല്‍

ആഹാ ഇമ്പം ഇമ്പം ഇമ്പം
ഇനി എന്നും ഇമ്പമേ
എന്‍ ജീവിതത്തിന്‍ നൌകയില്‍
താന്‍ വന്ന നാള്‍ മുതല്‍

പോക നിങ്ങള്‍ മറുകരയില്‍
എന്ന് മോദമായ് അരുളിയവന്‍
മറന്നിടുമോ തന്‍ ശിഷ്യഗണത്തെ
സ്വന്ത ജനനിയും മറന്നിടുകില്‍

വെറും വാക്ക് കൊണ്ട് സകലത്തെയും
നറും ശോഭയെകി മെനഞ്ഞവന്‍ താന്‍
ചുടു ചോര ചൊരിഞ്ഞല്ലോ രക്ഷിച്ചു
തിരു ദേഹമായി നമ്മെ സൃഷ്ടിച്ചു

വരും വേഗമെന്നു അരുളിയവന്‍
വരും മേഘമതില്‍ അടുത്തൊരു നാള്‍
തരും ശോഭയേറും കിരീടങ്ങളെ
തിരു സേവ നന്നായ് തികച്ചവര്‍ക്കായ്

Added by