Innu Pagal Muzhuvan

ഇന്നു പകല്‍ മുഴുവന്‍
കരുണയോടെന്നെ സൂക്ഷിച്ചവനേ
നന്ദിയോടെ തിരുനാമത്തിന്നു സദാ
വന്ദനം ചെയ്തിടുന്നേന്‍
ചരണങ്ങള്‍

അന്നവസ്ത്രാദികളും സുഖം ബല
മെന്നിവകള്‍ സമസ്തം
തന്നടിയാനെ നിത്യം പോറ്റീടുന്ന
ഉന്നതന്‍ നീ പരനേ

മന്നിടം തന്നിലിന്നും പലജനം
ഖിന്നരായ് മേവിടുമ്പോള്‍
നിന്നടിയാനു സുഖം തന്ന കൃപ
വന്ദനീയം പരനേ

തെറ്റുകുറ്റങ്ങളെന്നില്‍ വന്നതള
വറ്റ നിന്‍റെ കൃപയാല്‍
മുറ്റും ക്ഷമിക്കേണമേ അടിയനെ
ഉറ്റു സ്നേഹിച്ചവനേ

എന്‍ കരുണേശനുടെ ബലമെഴും
തങ്കനാമമെനിക്കു
സങ്കേത പട്ടണമാം അതിലകം
ശങ്കയെന്യേ വസിക്കും

വല്ലഭന്‍ നീ ഉറങ്ങാ തടിയാനെ
നല്ലപോല്‍ കാത്തിടുമ്പോള്‍
ഇല്ലരിപുഗണങ്ങള്‍ ക്കധികാരം
അല്ലല്‍ പെടുത്തീടുവാന്‍

ശാന്തതയോടു കര്‍ത്താ തിരുമുന്നില്‍
ചന്തമായിന്നുറങ്ങി
സന്തോഷമോടുണരേണം ഞാന്‍ തിരു
കാന്തി കണ്ടുല്ലസിപ്പാന്‍

Added by