Kaanunnu Jnan Vishwasathal

കാണുന്നു ഞാ൯ വിശ്വാസത്താൽ
എന്‍ മുന്‍പില്‍ ചെങ്കടല്‍ രണ്ടാകുന്നു
കാണാത്ത കാര്യങ്ങള്‍ കണ്മുന്‍പില്‍ എന്നപോല്‍
വിശ്വസിചീടുന്നു എന്‍ കര്‍ത്താവേ

അഗ്നിയിന്‍ നാളങ്ങള്‍ വെള്ളത്തിന്‍ ഓളങ്ങള്‍
എന്നെ തകര്‍ക്കുവാന്‍ സാധ്യമല്ല
അഗ്നിയില്‍ ഇറങ്ങി വെള്ളത്തില്‍ നടന്ന
സര്‍വശക്തന്‍ എന്‍ കൂടെയുണ്ട്

നാല് നാലായാലും നാറ്റം വമിച്ചാലും
കല്ലറ മുന്‍പില്‍ കര്‍ത്തന്‍ വരും
വിശ്വസിച്ചാല്‍ നീ മഹത്വം കാണും
സാത്താന്റെ പ്രവര്‍ത്തികള്‍ തകര്‍ത്തിടും

യരിഹോ മതിലുകള്‍ ഉയര്‍ന്നു നിന്നാലും
അതിന്റെ വലിപ്പമോ സാരമില്ല
ഒന്നിച്ചു നാം ആര്‍ത്തിടുമ്പോള്‍
വന്മതില്‍ വീഴും കാല്‍ച്ചുവട്ടില്‍

Added by